Kiungo wa kati wa zamani wa Chelsea, Ruben Loftus-Cheek amefunga wakati mabingwa wa Ligi Kuu ya Uingereza Liverpool wakichapwa 4-2 na AC Milan Jumamosi kwenye mechi ya kirafiki ya kujiandaa na msimu mpya huko Hong Kong.
Liverpool walidhibiti sehemu kubwa ya mechi hiyo kwenye Uwanja wa Kai Tak, lakini safu ya ulinzi iliyotetereka iliadhibiwa wakati wa mapumziko kwa mabao yote manne ya Milan.
Rafael Leao alianza kuifungia timu hiyo ya Italia dakika ya 10 kwa bao zuri la Dominik Szoboszlai akisawazisha dakika 16 baadaye na kufanya 1-1 hadi mapumziko.
Goli la Loftus-Cheek na mabao mengine mawili kutoka kwa mchezaji wa akiba Noah Okafor, kila upande wa bao la kichwa la dakika za lala salama la Cody Gakpo, yaliipa AC Milan ushindi.
Meneja wa Liverpool Arne Slot alisema kuna mambo mazuri ya kufanyia kazi kutokana na mchezo huo lakini akakiri timu yake inahitaji kuimarika kabla ya mechi yao ya kwanza ya ushindani, Ngao ya Jamii dhidi ya Crystal Palace mnamo Agosti 10.
