Marcus Rashford amekanusha madai kwamba anataka wakala mpya kutimiza nia yake ya kuondoka Old Trafford.
Ripoti ya wiki hii ilisema kuwa fowadi huyo wa Uingereza alikutana na wakala mkuu wa michezo katika nia ya kuandaa uhamisho.
Mchezaji huyo mwenye umri wa miaka 27 hapo awali alidokeza kuwa atakuwa tayari kuondoka United katika mahojiano mwezi uliopita.
Alisema kuwa yupo tayari “kwa changamoto mpya” baada ya kukosa nafasi chini ya bosi mpya Ruben Amorim.
Mhitimu huyo wa akademi ya vijana ya United aliondolewa katika vikosi vinne mfululizo vya siku ya mechi mwezi uliopita, kuanzia kwenye mchezo wa derby dhidi ya Manchester City, na hakutumika kama mchezaji wa akiba dhidi ya Newcastle.
