Kauli hiyo inakuja wakati mvutano ukiendelea licha ya kuwepo kwa makubaliano ya kusitisha mapigano yaliyofikiwa mwezi Aprili. Ingawa Trump awali alidai kuwa mapigano yamekoma, hakufunga kabisa mlango wa hatua mpya za kijeshi dhidi ya Iran.
Kwa mujibu wa taarifa mbalimbali, viongozi wa kijeshi wa Marekani wamekuwa wakimpa Trump chaguzi mpya za mashambulizi, ikiwa ni pamoja na operesheni za kulenga miundombinu ya Iran.
Aidha, ripoti zinaonyesha kuwa Trump ameonesha kutoridhishwa na mazungumzo ya amani na Iran, na hata kupendekeza kuwa Marekani inaweza “kuwa bora zaidi bila makubaliano,” hali inayoongeza uwezekano wa kuendelea kwa vita.
Wakati huo huo, wachambuzi wanaonya kuwa kurejea kwa mashambulizi kunaweza kuongeza madhara ya kiuchumi na kisiasa, ikiwemo kupanda kwa bei ya mafuta duniani na kuongezeka kwa sintofahamu ya usalama wa kimataifa.
Kauli kali za Trump, ikiwemo kusema Marekani inaweza kuchagua kati ya “kushambulia au kufanya makubaliano,” zinaashiria msimamo mkali unaoweza kuathiri juhudi za kidiplomasia katika eneo hilo.
