Kocha wa Inter Milan Simone Inzaghi amesema yeye na timu yake wanaiheshimu Barcelona lakini hawaiogopi kuelekea katika mechi yao ya nusu fainali ya Ligi ya Mabingwa Jumatano.
Waitaliano hao wamepoteza mechi zao tatu zilizopita na kuona matumaini yao yakiporomoka, huku miamba hao wa Uhispania wakipania kushinda taji la nne.
“Lazima tuwape sifa kubwa Barcelona, wana rekodi ya ajabu, wameshinda mataji mawili, kwa hivyo tuna heshima kubwa kwao, lakini hakuna hofu,” Inzaghi aliuambia mkutano wa wanahabari Jumanne kabla ya pambano hilo huko Catalonia.
“Tunazungumza kuhusu Barcelona, Bayern Munich, Real Madrid, PSG, Manchester City – wote ni wapinzani wakubwa kwenye Ligi ya Mabingwa ambapo licha ya ushindani mkubwa (na bado) tumecheza vyema.
“Tunataka kucheza mechi hizi mbili za nusu fainali na kusonga mbele.”
Inter Milan waliwatoa wababe wa Ujerumani Bayern katika robo fainali lakini wakapoteza mechi mbili za Serie A na kuwa nyuma ya Napoli, na wakafungwa na wapinzani wao AC Milan katika nusu fainali ya Coppa Italia.
