Ubabe wa Bayer Leverkusen kwa kucheza michezo 35 bila kufungwa ulimalizika Jumamosi wakati wageni RB Leipzig walipotoka nyuma na kupata ushindi wa 3-2 uliosaidiwa na Lois Openda kuweka nyavuni magoli mawili.
Mabingwa hao katika ligi ya Bundasliga walitawala tangu mwanzo wa mchezo na Jeremie Frimpong alifunga bao la kuongoza dakika ya 38 kwa shuti la chini kutoka kabla ya Alejandro Grimaldo kufunga bao la pili kabla ya kipindi cha mapumziko.
Leipzig walipata bao kupitia kwa kiungo Kevin Kampl katika muda wa dakika za lala salama, hata hivyo, Openda alisawazisha dakika ya 57 kabla ya kuachia shuti kali kutoka mbali ambalo halikumpa nafasi kipa wa Leverkusen Matej Kovar.
Mchezo ulisitishwa kwa kuangalia penalti ya dakika za lala salama kwa Leverkusen lakini mwamuzi alikataa baada ya kushauriana na VAR.
Leipzig ndio timu ya kwanza kuifunga Leverkusen kwenye Bundesliga kwa siku 462, tangu VfL Bochum ilipofanya hivyo 3-0 siku ya mwisho ya msimu wa 2022-23.
